上次介紹咗昔日港人為回鄉過年响尖沙咀火車站外大排長龍，始發站係咁，咁終點站羅湖又會係點呢？
咁多人坐火車返內地，自然羅湖站都係人山人海。新中國成立後，响1957年重建羅湖橋，成為咗當時新中國一扇對外嘅重要窗口。要返內地回鄉探親，唔少人就會响羅湖過境。當時旅客要進出口岸，就要從鐵路橋兩側嘅行人通道通行。而响過年時，由於人多，加上返鄉人士都係拎住一包二包大行李上路，又加上過關檢查行李需時，結果响羅湖又係出現大排長龍、人山人海嘅場面。
今時今日香港人過關可能排十五分鐘至半個鐘已經頂唔順，都好難想像以前返鄉港人過關要排足幾個鐘。
原圖嚟自網絡